पोखरा । पोखरामा उपचाररत एक पुरुषमा कोरोना संक्रमण पुष्टि भएको छ । पोखराको पश्चिमान्चल सामुदायिक अस्पतालमा उपचार गराइरहेका ९० बर्षीय बृद्धमा कोरोना संक्रमण पुष्टि भएको स्वास्थ्य निर्देशनालय गण्डकीले जनाएको छ ।
उनलाई पोखरा स्वास्थ्य बिज्ञान प्रतिष्ठानको आइसोलेसन कक्षमा ल्याउने तयारी भइरहेको निर्देशनालयले जनाएको छ ।
आज मंगलबार बिहान पोखरा महानगरपालिका ३० का २१ बर्षीय युवकमा पनि कोरोना संक्रमण पुष्टि भएको थियो । निर्देशनालयका अनुसार उनि भारतबाट आएर महानगरको क्वारेन्टिनमा बसेका थिए ।
मंगलबार दिउसो तनहुँ जिल्ला शुक्लागण्डकी नगरपालिका स्थायी ठेगाना भई सोहि पालिकाको क्वारेन्टाइनमा रहेका बर्ष १२ र ४६ का २ जना पुरुषमा कोरोना संक्रमण पुष्टि भएको निर्देशनालयले जनाएको छ ।
यससंगै गण्डकी प्रदेशमा कोरोना संक्रमितको संख्या २ सय २६ पुगेको छ।