पोखरा । गण्डकी प्रदेशको गोरखा जिल्लामा थप ११ जनामा कोरोना पुष्टि भएको छ ।
बिहीबार गोरखाका दुई पालिकाका १० पुरुष र एक महिलासहित ११ जनामा कोरोना भाइरस देखिएको स्वास्थ्य निर्देशनालय गण्डकीले जनाएको छ ।
निर्देशनालयका अनुसार संक्रमण देखिनेमा पालुङटार नगरपालिकाका २३ देखि ४६ बर्ष समुहका ६ जना पुरुष तथा १ महिला, शहिद लखन गाउँपालिकाका २७ देखि ५४ बर्ष उमेर समुहका ४ जना पुरुष रहेका छन् ।
यो सँगै गोरखामा कोरोना संक्रमितको संख्या ३६ पुगेको छ । गोरखामा हालसम्म ३३ जना पुरुष र ३ महिलामा संक्रमण देखिएको हो ।
बिहीबार गोरखा जिल्लाका ११ जनासहित गण्डकी प्रदेशका थप ४२ जनामा कोरोना पुष्टि भएको स्वास्थ्य निर्देशनालय गण्डकीले जनाएको छ ।
प्रदेशमा संक्रमित मध्ये २२ जना निको भइ घर फर्किसकेका छन् । गण्डकी प्रदेशमा हालसम्म कोरोना संक्रमणबाट एक जनाले ज्यान गुमाएका छन् ।
तनहुँमा एकैदिन १२ जनामा कोरोना देखियो
गण्डकी प्रदेशका थप ४२ जनामा कोरोना पुष्टि, मनाङ जिल्ला पनि थपियो
