पोखरा । तनहुँमा थप २५ जना कोरोना भाइरसका संक्रमित फेला परेका छन् । तनहुँका तीन पालिकाका २५ जनामा कोरोना पुष्टि भएको स्वास्थ्य निर्देशनालय गण्डकीले जनाएको छ ।
निर्देशनालयका अनुसार संक्रमण देखिनेमा तनहुँको ऋषिङ् गाउँपालिकाका १ बर्षीय बालक देखि ३७ बर्ष उमेर समुहका २१ जना, ब्यास नगरपालिकाका २४ र २८ बर्षका २ पुरुष तथा शुक्लागण्डकी नगरपालिकाका २२ र ३५ बर्षीय २ पुरुष रहेका छन् । संक्रमितलाइ जिल्ला अस्पतालको आइसोलेसन कक्षमा लैजाने तयारी भइरहेको निर्देशनालयले जनाएको छ ।
तनहुँमा हालसम्म कोरोना संक्रमितको संख्या ६८ पुगेको छ । ,आज नै तनहुँका २५ जना सहित गण्डकी प्रदेशमा थप ५८ जनामा कोरोना पुष्टि भएको छ । प्रदेशका ७ जिल्लाका थप ५८ जनामा कोरोना भाइरस देखिएको स्वास्थ्य निर्देशनालय गण्डकीले जनाएको छ ।
यससँगै गण्डकी प्रदेशमा कोरोना संक्रमितको संख्या ४ सय ३८ पुगेको छ । प्रदेशमा संक्रमित मध्ये ३९ जना निको भइ घर फर्किसकेका छन् । गण्डकी प्रदेशमा हालसम्म कोरोना संक्रमणबाट एक जनाले ज्यान गुमाएका छन् ।
कास्कीका २ सहित गण्डकीका थप ५८ जनामा कोरोना पुष्टि