पोखरा । अविरल वर्षाका कारण पोखरा महानगरपालिका -२६ स्थित पैतेमा पहिरोमा पुरिएर एक जनाको मृत्यु भएको छ ।
शुक्रबार बिहानी पखको समयमा घरमाथिबाट खसेको पहिरोमा पुरिँदा स्थानीय डल्लु भनिने करिव ४५ बर्षीय *दुर्गा बहादुर सुनारको मृत्यु भएको पोखरा -२६ का वडा अध्यक्ष नारायण प्रसाद बरालले पोखरा न्यूजलाई जानकारी दिए। घरमा सुतिरहेका अवस्थामा पहिरो जादाँ घरका अन्य सदस्य भाग्न सफल भएपनि उनी पहिरोमा पुरिएका थिए ।
अध्यक्ष बरालका अनुसार उक्त स्थानमा अहिले पनि पनि पहिरो खसिरहेको छ। पहिरोका कारण पैतेका ८०/८५ घर मध्ये करिव २५ देखि ३० वटा घर जोखिममा रहेको अध्यक्ष बरालले बताए ।
पहिरोको जोखिममा रहेका स्थानीयलाई सुरक्षित स्थान तर्फ सार्ने काम भइरहेको उनले बताए ।
पोखरामा पहिरोमा परी ४ को मृत्यु, ९ घाइते
