पोखरा । पोखरा महानगरका १ सहित गण्डकी प्रदेशमा थप ११ जनामा कोरोना भाइरस संक्रमण पुष्टि भएको छ ।
स्वास्थ्य निर्देशनालय गण्डकीले बिहीबार बिहान पोखरा महानगर वडा नम्बर ४ का २२ वर्षीय पुरुषसहित गण्डकी प्रदेशका ४ जिल्लाका थप ११ जनामा कोरोना भाइरस देखिएको जनाएको हो ।
निर्देशनालयले कास्कीका एक पुरुष सहित पर्वतका १ महिला, गोरखाका ५ जना पुरुष र १ महिला तथा नवलपुरका ३ पुरुषमा कोरोना देखिएको जनाएको छ ।
संक्रमितलाई आइसोलेसनमा लैजाने तयारी भैरहेको निर्देशनालयले जनाएको छ । यस सँगै गण्डकी प्रदेशमा कोरोना संक्रमितको संख्या १ हजार ५ सय ६६ पुगेको छ ।
यसैगरी गण्डकी प्रदेशमा कोरोनको संक्रमण मुक्त हुनेको संख्या १३६२ पुगेको पनि निर्देशनालयले जनाएको छ ।
