पोखरा । कोरोनाका कारण पोखरामा थप एक जनाको मृत्यु भएको छ । पोखरा महानगरपालिकाका वडा ९ का ७० वर्षीय पुरुषको मणिपाल अस्पतालमा मृत्यु भएको हो ।
यही भदौ २५ गते देखि मणिपालमा उपचाररत मृतक क्यान्सरवाट पीडित रहेको र उनको उपचारको क्रममा सोमवार राति ११ः२० मा मृत्यु भएको अस्पतालले जनाएको छ । मृतकको २८ गते कोरोना पुष्टि भएको निर्देशनालये जनाएको छ । यससंगै गण्डकी प्रदेशमा कोरोनाको संक्रमणबाट मृत्यु हुनेको संख्या ३१ पुगेको छ ।
पोखरामा मंगलवार दिउसो पोखरा सहित २ जिल्लामा थप ४ जनामा कोरोना सक्रमण पुष्टि भएको गण्डकी प्रदेश स्वास्थ्य निर्देशनालयका जनाएको छ । कोरोना पुष्टि हुनेहरुमा पोखरावडा नं १० का २१ वर्षीय पुरुष, वडा नं १५ की ४८ वर्षीया महिला, स्याङजा गल्याङका ३३ वर्षीय पुरुष र गोरखा नगरपालिकाका २० वर्षीय पुरुष रहेका छन ।हाल सम्म गण्डकी प्रदेशमा कोरोना संक्रमितको संख्या ३११६ पुगेको छ ।
