पोखरा न्यूज । गोरखामा आफैं चढेको ट्याक्टरले किचेर एक युवकको मृत्यु ज्यान गएको छ ।
गोरखा नगरपालिका–१० छेपेटारका ३१ वर्षीय डिलबहादुर नेपालीको ट्याक्टरबाट खस्दा किचेर मृत्यु भएको जिल्ला प्रहरी कार्यालय गोरखाका डिएसपी प्रकाश दाहालले जानकारी दिनुभयो ।
शनिबार दिउँसो बाह्रकिलो बजारबाट छेपेटारतर्फ जाँदै गरेको ग १ त ४३७१ नम्बरको ट्याक्टरबाट खसेका नेपालीलाई ट्याक्टरको पछाडिको भागले किच्दा घटनास्थलमै मृत्यु भएको उहाँको भनाइ छ ।
ट्रयाक्टरको ट्रलीबाट खस्दा नेपालीको टाउँकोमा गम्भीर चोट लागेको थियो । घटनापछि ट्याक्टर र चालक उज्ज्वल कुमाललाई नियन्त्रणमा लिइएको डिएसपी दाहालले बताउनुभयो ।
