पोखरा न्यूज । खोटाङको बराहपोखरी गाउँपालिका-२ बस्ने ७४ बर्षीया डम्बर कुमारी मगरको आगोले जलेर मृत्यु भएको छ ।
आज दिउँसो १ बजेको समयमा स्थानीय तरेभिर जंगलमा आगलागी भएको र उक्त आगलागी प्रहरी तथा स्थानीयवासीहरुले नियन्त्रणमा लिने प्रयास भइरहेको अवस्थामा भीरको माथि बसिरहेकी बृद्धालाई एक्कासी आगोको लप्काले भेटेर शरीरमा आगो लागेकाे थियाे ।
आगो लागेर घाइते भएकी मगरको तत्काल उद्धार गरी उपचारको लागि अस्पताल लैजाने तयारी गर्दैगर्दा मृत्यु भएको जिल्ला प्रहरी कार्यालय खोटाङले जनाएको छ ।
घटना सम्बन्धमा प्रहरीले थप अनुसन्धान गरिरहेको जनाएकाे छ ।