पोखरा न्यूज । कोरोना संक्रमणबाट आज पोखरामा ४५ वर्षीय युवकको मृत्यु भएको छ ।
पोखराको मणिपाल शिक्षण अस्पतालमा उपचारको क्रममा उहाँको निधन भएको गण्डकी प्रदेश स्वास्थ्य निर्देशनालयले जनाएको छ ।
कास्कीको पोखरा महानगरपालिका–२९ का ४५ वर्षीय कोरोना संक्रमित पुरुषको उपचारका क्रममा निधन भएको हो ।
उहाँलाई बैशाख १८ गते संक्रमण पुष्टि भएको थियो ।
यस अघि आजै एक जना कोरोना संक्रमित पुरुषको पोखराको चरक मेमोरियल अस्पतालमा उपचारको क्रममा निधन भएको छ ।
म्याग्दी जिल्लाको मंगला गाँउपालिका–६ का ७६ वर्षीय पुरुषको आज अस्पतालमा मृत्यु भएको हो ।
