पोखरा न्यूज । कास्कीको पोखरामा पछिल्लो २४ घण्टामा १ सय ६१ जनामा कोरोना भाइरस संक्रमण पुष्टि भएको छ ।
लाइफ केयर एण्ड डाइनोष्टिक प्रालि पोखरामा गरिएको परिक्षणमा पोखरा महानगरपालिकाका विभिन्न वडामा थप १ सय ६१ जनामा संक्रमण पुष्टि भएको गण्डकी प्रदेश स्वास्थ्य निर्देशनालय पोखराले जनाएको छ ।
गण्डकी प्रदेशको राजधानी समेत रहेको पोखरामा गएका केही दिन यता संक्रमण दर तिव्र रुपमा फैलिएको छ । हिजो शुक्रबार मात्रै पोखरामा ८ सय ३८ सहित कास्कीमा थप ८ सय ५६ जनामा संक्रमण पुष्टि भएको थियो ।
योसँगै कास्कीमा कुल कोरोना संक्रमितको संख्या १ हजार ९७६ पुगेको छ । कास्कीमा हालसम्म ८ हजार ९४९ जनाले कोरोना भाइरस संक्रमण जितेका छन् । जिल्लाभर हालसम्म १ सय ३९ जनाको कोरोनाबाट ज्यान गएको छ ।
हेर्नुहोस नयाँ संक्रमितको विवरण :
