पोखरा न्यूज । पोखराकाे अस्पतालमा उपचारको क्रममा थप १ जना कोरोना संक्रमित पुरुषको आज बिहान निधन भएको छ । थप १ जनाकाे निधनपछि काेराेनाका कारण पछिल्लाे २४ घण्टामा पाेखरामा निधन हुनेकाे संख्या १२ पुगेकाे छ ।
गण्डकी प्रदेश स्वास्थ्य निर्देशनालयले दिएको जानकारी अनुसार पर्वत जिल्लाकाे फलेवास नगरपालिका–५ का ६४ वर्षीय पुरुषको आज बिहान निधन भएको छ । उहाँकाे संक्रामक तथा सरुवा राेग अस्पताल पाेखरामा उपचारका क्रममा निधन भएकाे हाे ।
उहाँमा बैशाख २४ गते संक्रमण पुष्टी भएकाे थियाे ।
थप १ जनापछि गण्डकी प्रदेशमा कोरोना संक्रमणबाट निधन हुनेको संख्या २६३ पुगेको निर्देशनालयका निर्देशक डा विनोद विन्दु शर्माले जानकारी दिनु भएको छ ।
