पाेखरा न्यूज । घरायसी विवादमा श्रीमती र छाेरीमाथि खुर्पा प्रहार गर्ने एक पुरुष नवलपुरमा पक्राउ परेका छन् ।
नवलपरासी पूर्व जिल्लाकाे गैडाकोट नगरपालिका-९ ब्रिटिसक्याम्प बस्ने ६३ वर्षीय हर्क बहादुर राईले घरायसी बिबादमा आज ४६ वर्षीया आफ्नै श्रीमती धन कुमारी राई र १४ वर्षीया छोरी अनुस्का राईलाई खुर्पा प्रहार गरी घाइते बनाएको प्रहरीले जनाएकाे छ ।
टनास्थलमा पुगेकाे प्रहरी टोलीले हर्क बहादुर राईलाई नियन्त्रणमा लिई घाईतेहरुलाई उपचारको लागि नयाँ मेडिकल कलेज भरतपुर पठाईएको छ । घाइते दुबैको अवस्था गम्भीर रहेको घटनाको विषयमा थप अनुसन्धान भइरहेको गण्डकी प्रदेश प्रहरी कार्यालय पाेखराले जानकारी दिएकाे छ ।
