पोखरा न्यूज । कास्की प्रहरीले जग्गा पास गरी दिन्छु भनी ठगी गरेको आरोपमा एक जनालाई पक्राउ गरेको छ ।
पोखरा १५ टुटुङ्गाका सन्तु ढकाल पौडेलको जग्गा खरिदकर्तालाई छिटो र सुलभ तरिकाले पास गरी लालपुर्जा समेत उपलब्ध गराइदिन्छु भनी ठगी गरेको आरोपमा पोखरा २३ चापाकोट घर पर्स्याङ बस्ने ५६ वर्षीय मातृका बस्ताकोटी पक्राउ परेको प्रहरीले जनाएको छ ।
जग्गा किन्न लागेका मनहरी तिमिल्सिनालाई असोज १५ गते लेखनदास काम गर्ने बस्ताकोटीले जग्गा पास गरिदिने विश्वास दिलाई नगद रु २५ हजार ठगेको प्रहरीको आरोप छ ।
नगद रकमसहित पक्राउ परेका बस्ताकोटीलाई ठगी, आपराधिक विश्वासघात तथा आपराधिक लाभ सम्बन्धी कसुरमा जिल्ला अदालतबाट पाँच दिन म्याद थप गरी अनुसन्धान भइरहेको प्रहरीले जनाएको छ ।
