पोखरा । कास्कीमा नेकपा एमालेले उम्मेद्वार टुंग्याएको छ ।
पोखरा महानगरमा यसअघि टिकट दिइसकेपनि उम्मेद्वार विवादित भएपछि नयाँ अनुहार खोजिएको छ ।
दीपक पौडेलको उम्मेद्वारी खोसेर प्रदेश सांसद कृष्णबहादुर थापालाई टिकट दिइएको हो ।
उपमेयरमा हालकै उपमेयर मन्जुदेवी गुरुङ दोहोरिने पक्का भएको छ ।
रुपा गाउँपालिकाको अध्यक्षमा नवराज ओझा र उपाध्यक्षमा लालसुब्बा गुरुङ सर्वसम्मत टिकट पाउनु भयाे ।
मादीको अध्यक्षमा शिवबहादुर गुरुङ (महेन्द्र) र उपाध्यक्षमा कल्पना गुरुङ उम्मेद्वार हुनुभएकाे छ ।
माछापुच्छ्रेको अध्यक्षमा विक्रम गुरुङ र उपाध्यक्षमा सीता तिवारीले टिकट पाएका एमाले गण्डकीले जनाएको छ ।
अन्नपूर्णको अध्यक्षमा विष्णु केसीलाई नै टिकट दिइएको छ भने उपाध्यक्षमा चन्द्रा अधिकारीले टिकट पाउनु भयाे ।
सबैले केहीबेरमा उम्मेद्वारी दर्ता गर्दै छन् ।
