आइतबार दोहोरो अङ्कले बढेको नेपाल स्टक एक्सचेञ्ज नेप्सेको परिसूचकमा आज भने ०.८ अङ्कको झिनो गिरावट आएको छ ।
आज नेप्से परिसूचक ०.८ अङ्कले घटेर २०७६.९६ बिन्दुमा बन्द भएको छ भने कारोबार रकम अघिल्लो कारोबार दिनको तुलनामा ७५ करोडले बढेको छ । आइतबार तीन अर्ब ४ करोड भन्दा बढी भएको कारोबार आज बढेर ३ अर्ब ७९ करोड ७९ लाख ८६ हजार ५८३ रुपैयाँ पुगेको छ ।
बुधबार धेरै कमाउनेमा रावा इनर्जी र गुह्येश्वरी फाइनान्सका लगानीकर्ता रहे । रावा इनर्जीको सेयर मूल्य १० प्रतिशतको हाराहारीमा वृद्धि हुँदा गुह्येश्वरी फाइनान्सको सेयर पनि ७ प्रतिशत भन्दा बढीले वृद्धि भयो । आज धेरै गुमाउनेतर्फ हिमालयन हाइड्रो र सिटी होटलका लगानीकर्ता रहे । ती कम्पनीको सेयरमूल्य ६ प्रतिशतको हाराहारीमा घट्यो ।
आज सर्वाधिक कारोबार हुने कम्पनीतर्फ सोल्टी होटल, हिमालयन लाइफ इन्स्योरेन्स, शिवम् सिमेन्ट र सिटी होटल शीर्ष चारमा रहे । ती कम्पनीको क्रमश : ३३.१२ करोड, २४.९१ करोड, १५.५१ करोड र ९.०१ करोड बराबरको कारोबार भयो ।
