सेयरबजारमा ४.७ अङ्कको झिनो गिरावट

नेपाल स्टक एक्सचेञ्ज नेप्सेको परिसूचकमा आज भने ४.७ अङ्कको झिनो गिरावट आएको छ ।

आज नेप्से परिसूचक ४.७३ अङ्कले घटेर २०७२.२४ बिन्दुमा बन्द भएको छ भने कारोबार रकम अघिल्लो कारोबार दिनको तुलनामा ९३ करोडले घटेको छ । मङ्गलबार कुल २ अर्ब ८५ करोड ९४ लाख ९० हजार ४९० रुपैयाँ बराबरको सेयर कारोबार भयो । अघिल्लो दिन भने ३ अर्ब ७९ करोड ७९ लाख ८६ हजार ५८३ रुपैयाँ बराबरको कारोबार भएको थियो ।

बुधबार धेरै कमाउनेमा रावा इनर्जी, हिमालयन पावर र लिबर्टी इनर्जी रहे । ती कम्पनीको सेयर मूल्य १० प्रतिशतको हाराहारीमा वृद्धि भयो । आज धेरै गुमाउनेतर्फ सिङ्गटी हाइड्रो, स्वेतगङ्गा हाइड्रो र मन्दाकिनी हाइड्रो रहे । ती कम्पनीको सेयर ५ प्रतिशत भन्दा बढीले घट्यो ।

आज सर्वाधिक कारोबार हुने कम्पनीतर्फ हिमालयन लाइफ इन्स्योरेन्स, शिवम् सिमेन्ट, सोल्टी होटल र साइन रेसुङ्गा विकास बैंक शीर्ष चारमा रहे । ती कम्पनीको क्रमश : १२.७८ करोड, १२.५४ करोड, १०.६७ करोड र ६.६१ करोड बराबरको कारोबार भयो ।