पोखरा मुस्ताङचोकको शनिबारे अर्गानिक हाटमा ग्राहक आकर्षित

पोखरा । पोखराको मुस्ताङचोकमा लाग्ने शनिबारे अर्गानिक हाटमा ग्राहकको आर्कषण बढेको छ ।

नेपाल गृह श्रमिक महिला संघ र जागरण महिलाद्वारा संयुक्तरुपमा आयोजित हाटमा ग्राहकको आर्कषण बढेको हो ।

प्रत्येक शनिबार बिहान ७ बजेदेखि सञ्चालन हुने हाटमा आफ्नो घरमै लगाइएको तरकारी तथा खाद्य सामाग्री किन्ने तथा अवलोकन गर्न पाइन्छ ।

हाटमा साग, धनिया, तरूल, पिँडालु, च्याउ, धूप, गेडागुडी, अर्गानिक फापरको पिठोबाट बनाएको कुकिजहरु राखिएको छ ।

नेपाल गृह श्रमिक महिला संघकी अध्यक्ष गीता पौडेलका अनुसार हाटले विशेषगरि पोखरेलीको ध्यान तानेको छ ।

हाटमा बिहानैदेखि तातो सेल रोटी र अचार अर्गानिक अचार खान पाइन्छ । साथै टाढा टाढाबाट चिया पिउनका लागि पनि हाटमा आउने गरेका छन् ।

खानेमात्रै नभई घरमा नै लैजान मिल्नेगरि आफूहरुले सेवा दिइरहेको अध्यक्ष पौडेलले बताइन् ।

हाटमा आउनेहरुलाई समूह आफैले बनाएको दुनाटपरीमार्फत सेल, अचार दिने गरिएको जागरण महिलाकी सचिव सीता राना मगरले बताइन् ।

अर्गानिक स्वाद टिपिकल शैलीमा पस्कने हुँदा आम सर्वसाधारणको आर्कषण बढेको उनले बताइन् ।