पोखरा । आज सुनको मूल्य ह्वात्तै बढेर उच्च बिन्दुमा पुगेको छ । आज एकै दिनमा १ हजार ३ सय रूपैयाँले बढेपछि सुनको मूल्य अहिलेसम्मकै उच्च विन्दुमा पुगेको छ ।
नेपाली सुनचाँदी व्यवसायी महासंघका अनुसार बिहीबार बजारमा छापावाल सुन प्रतितोला १ लाख २२ हजार रूपैयाँमा कारोबार भइरहेको छ ।
अघिल्लो दिन छापावाल सुन प्रतितोला १ लाख २० हजार सात सय रूपैयाँमा कारोबार भएको थियो ।
बिहीबार तेजाबी सुनको मूल्य भने प्रतितोला १ लाख २१ हजार चार सय रूपैयाँ कायम गरिएको छ ।
यसभन्दा अघि गत मंसिर १८ गते सबैभन्दा धेरै मूल्यमा कारोबार भएको थियो । सो दिन सुन प्रतितोला १ लाख २१ हजार छ सय रूपैयाँमा कारोबार भएको थियो ।
अन्तर्राष्ट्रिय बजारमा भने आज सुन प्रतिऔंस २ हजार ८५ अमेरिकी डलरमा कारोबार भइरहेको छ ।
आज बजारमा चाँदीको मूल्य पनि बढेको छ । आज चाँदीको मूल्य प्रतितोला १ हजार ४ सय ९० रूपैयाँ कायम गरिएको छ ।
अघिल्लो दिन चाँदी प्रतितोला १ हजार ४ सय ७५ रूपैयाँमा कारोबार भएको थियो ।
