धादिङ त्रिपुरा बाराही महिला समूहको सातौँ वार्षिक साधारणसभा

पोखरा । धादिङ त्रिपुरा बाराही महिला समूहको सातौँ वार्षिक साधारणसभा पोखरामा सम्पन्न भएको छ ।

कार्यक्रम उद्घाटन गर्दै नेपाल पत्रकार महासंघ कास्कीका अध्यक्ष बिमला भण्डारीले जन्मभूमिकै मायाले धादिङबाट पोखरामा आएर पनि संगठित भएर जिल्लावासीकै सेवा गरेको बताइन् । हरेक क्षेत्रमा महिलाहरुको सक्रियता बढ्दै गएकोमा त्रिपुरा बाराही महिला समूहको भूमिका पनि उत्कृष्ट रहेको भन्दै उनले प्रशंसा गरिन् ।

उनले भनिन्, ‘महिलाहरुले अब भ्याउँदिन, सक्दिन, जान्दिन होइन सक्छु, गर्छु, यो पटक नसके अर्को प्रयास गर्छ भन्दै अग्रसर हुनुपर्छ ।’
त्रिपुरा महिला समूहबाट अन्य धेरै संघसंस्था र महिला दिदीबहिनीले प्रेरणा लिनुपर्नेमा जोड दिँदै समूहका लागि आवश्यक पर्ने सबै सहयोग गर्न आफू तयार भन्दै प्रतिवद्धता जनाइन् ।

धादिङ-पोखरा सम्पर्क समाजका अध्यक्ष रामप्रसाद पाण्डेले महिला समूहले सामाजिक र मानवीय क्षेत्रमा उत्कृष्ट काम गरेको भन्दै आगामी दिनमा सहकार्य गरेर अघि बढ्ने प्रतिवद्धता जनाए ।

धादिङ-पोखरा सम्पर्क समाजका पूर्वअध्यक्ष कृष्णकुमार श्रेष्ठले दिदीबहिनी समूहको सक्रियतामा उत्कृष्ट काम हुँदै आएको यसबाट अन्य संस्थाले पनि पाठ सिक्नुपर्नेमा जोड दिए ।

नेपाल खानेपानी संस्थाका केन्द्रीय अध्यक्ष केदार धमलाले दिदीबहिनीहरु एकापसमा मिलेर सामाजिक गतिविधिमा सक्रिय भएको भन्दै प्रशंसा गरे ।

नेपाली कांग्रेस धादिङ-पोखरा सम्पर्क समितिका अध्यक्ष कमलबहादुर पाण्डेले दिदीबहिनीहरुको सक्रियता निकै उत्कृष्ट रहेको भन्दै थप सक्रियता बढ्ने विश्वास व्यक्त गरे ।

नेकपा एमाले धादिङ-पोखरा सम्पर्क मञ्चका अध्यक्ष गोकर्ण अधिकारीले न्याय, समानता र महिलाको हकहितका साथै धादिङवासीको दुःख, सुखमा समूहले उत्कृष्ट भूमिका खेलेको भन्दै प्रशंसा गरे ।

नेकपा माओवादी केन्द्र धादिङ-पोखरा जनसम्पर्क मञ्चका अध्यक्ष बलराम लम्सालले एउटा चौतारीमा बसेर गठन भएको समूह आज यो स्थानमा आइपुग्दा अत्यन्तै खुसी लागेको बताए ।

कार्यक्रममा धादिङ-पोखरा सम्पर्क समाज ज्वालामुखी गाउँपालिका इकाइका अध्यक्ष सरोज कुँवर, मितेरी नारी समूहकी अध्यक्ष सीता भट्टराई, सल्लाहकार निर्मला घिमिरे, सम्मानित व्यक्तित्व प्रदीप अर्याल लगायतलले बोलेका थिए ।

समूहकी अध्यक्ष बबीता मल्लको अध्यक्षतामा भएको कार्यक्रममा स्वागत वरिष्ठ उपाध्यक्ष एवं कार्यक्रम संयोजक लक्ष्मीमाया थापाले स्वागत र कार्यक्रम सञ्चालन सचिव रचना अधिकारीले गरेकी थिइन् ।

कार्यक्रममा समूहलाई उत्कृष्ट सहयोग गर्ने दाताहरु, समूहका विभिन्न गतिविधिमा उत्कृष्ट भूमिका निर्वाह गर्नेहरुलाई सम्मान गरिएको थियो ।

 

सम्बन्धित न्यूज

Leave a Reply

Your email address will not be published. Required fields are marked *

Back to top button