सिन्धुपाल्चोक । सिन्धुपाल्चोकको तौथलीमा आज बिहान ७ः३० बने जन्ती बोकेको बस दुर्घटना हुँदा तीन जनाको मृत्यु भएको छ ।
दोलखाबाट सिन्धुपाल्चोकको त्रिपुरासुन्दरी गाउँपालिका वडा नं. ४ स्थित पिस्कर जाँदै गरेको जन्ती बस दुर्घटनामा परेको हो ।
दुर्घटनामा दुलहासहित ३२ जना घाइते भएको बताइएको छ ।
गम्भीर घाइते पाँच जनालाई सहाबहार अस्पताल खाडीचौर लगिएको छ । दुलहासहित अन्य घाइतेलाई वडा कार्यालयमै प्राथमिक उपचार भइरहेको प्रहरीले जनाएको छ ।