पोखरा एभेन्जर्सले पायो १६२ रनको लक्ष्य

पोखरा । नेपाल प्रिमियर लिगमा पोखरा एभेन्जर्सले जितका लागि १ सय ६२ रनको लक्ष्य पाएको छ ।

रवि बोपारको अर्धशतकमा चितवन राइनोजले पोखरालाई १ सय ६२ रनको लक्ष्य प्रस्तुत गरेको हो ।

टस हारेर पहिले ब्याटिङको निम्तो पाएको चितवनले बोपाराको ५१ रन मदतमा ७ विकेट गुमाएर १ सय ६१ रन बनाएको हो ।

३८ बल खेलेका बोपाराले ३ चौका र ३ छक्का प्रहार गरे ।

यस्तै कप्तान कुशल मल्लले २३ बल खेल्दै १ चौका र ४ छक्का मदतमा ३८ रन बनाए ।

लुक बेन्केन्सटेइनले १६ र हसन इसाखिलले १४ रन बनाए । शरद भेषावकर ११ रनमा अविजित रहे ।

चितवनले यसअघि काठमाडाैँलाइ पराजित गरेकाे थियाे । पाेखराले पहिलाे खेलबाटै सुखद् सुरुआत गर्ने लक्ष्यका साथ मैदानमा छ ।