लडेर घाइते भएका इटालियन नागरिककाे हेलिकप्टरमार्फत उद्धार

ताप्लेजुङ। ताप्लेजुङमा लडेर घाइते भएका इटालियन नागरिक ५६ वर्षीय सर्जियो फेटोजाको हेलिकप्टरमार्फत उद्धार गरिएको छ ।

गम्भीर घाइते भएका उनलाई प्रभु एयरको हेलिकप्टरमार्फत काठमाडौँ ल्याइएको हो ।

जिल्ला प्रहरी कार्यालयका सूचना अधिकारी विवेक बस्नेतका अनुसार मेरिङदेन गाउँपालिका-३ खाम्लुङस्थित युनाइटेड मेवाहाइड्रोपावरमा कार्यरत फेटोजा बिहीबार लडेर घाइते भएका थिए ।

उनलाई सोही दिन उपचारका लागि जिल्ला अस्पताल ल्याइएको थियो ।

फेटोजाको बायाँ हात भाँचिएको छ भने पेटमा समेत चोट लागेको छ । घटनाबारे अनुसन्धान भइरहेको जिल्ला प्रहरी कार्यालयले जनाएको छ ।