लेखनाथ –
पुर्व स्वास्थ्य मन्त्रि एवं नेकपा एमालेका नेता खगराज अधिकारीले कसैको स्वार्थ पुरा गर्न संबिधान संशोधन गर्न नसकिने बताएका छन् ।
युवा संघ नेपाल वडा कमिटि लेखनाथ १० को पाचौ अधिवेशनको शनिबार उद्घाटन गर्दै कसैको स्वार्थ पुरा गर्न संविधान संशाधन गर्न नसकिने बताएका हुन् । नेकपा एमाले केन्द्रिय कमिटिका सल्लाहाकार समेत रहेका अधिकारीले मुलुकको आवश्यकता र जनताको चाहाना अनुसार संबिधान संशोधन गर्न एमाले बाधक नबन्ने तर औचित्य पुष्टि भए एमाले संबिधान संशोधन को पक्षमा रहेको बताए ।
नेता अधिकारीले स्थानिय निकायको निर्वाचन गर्न बर्तमान सरकारले नचाएको भन्दै तत्काल स्थानिय तहको पुर्नसंरचनाको काम सम्पन्न गरि निर्वाचन घोषणा गर्न आग्रह गरे । पुर्व मन्त्रि अधिकारीले संविधान कार्यान्वयन गर्न नदिने चलखेल सुरु भएको बताउदै युवाहरुले अब संविधान कार्यान्वयनका लागि दवाब दिनुपर्नेमा जोड दिए ।
युवा संघ नेपाल वडा कमिटि लेखनाथ १०का अध्यक्ष बुद्धि बहादुर नेपालीको अध्यक्षतामा सस्पन्न उद्घाटन कार्यक्रममा नेकपा एमाले जिल्ला निर्वाचन कमिटि कास्कीका अध्यक्ष टिकाराम पंगेनी, लेखनाथ नगर संयोजक शंकर पौडेल , जन सास्कृतिक महासंघका केन्द्रिय उपाध्यक्ष पदमराज ढकाल युवा संघ अंचल कमिटिका अध्यक्ष नवराज ओझा, क्षेत्रिय कमिटिका अध्यक्ष रामचन्द्र तिमील्सिना ,नन्द प्रसाद अधिकारी, रुद्रनाथ अधिकारी ,केदारनाथ अधिकारी ,फडिन्द्र मोहन अधिकारी ,गणेश बहादुर थापा लगाएतले बोलेका थिए ।
कमिटिका उपाध्यक्ष तुलसी अधिकारीले स्वागत गरेको कार्यक्रमको संचालन दिलिप गिरीले गरेका थिए अधिबेशनले आगामी २ बर्षका बुद्धि बहादुर नेपालीको अध्यक्षतामा ३५ सदस्यीय नयाँ कार्यसमिति र ९ सदस्यीय सचिवालय कमिटि चयन गरेको छ । समितिको उपाध्यक्षमा तुलसी अधिकारी सचिवमा दिलिप गिरि सह सचिवमा विश्वराज आचार्य र कोषाध्यक्षमा इन्द्र सुबेदी चयन भएका छन् ।
