पोखरा-
पोखराको नयाँ बजारमा जारी राष्ट्रिय औद्योगिक व्यापार मेलामा शनिवार दर्शकको उपस्थिति केहि बाक्लिएको छ । शनिवार विदाको दिन भएकाले पनि मेला हेर्न जाने दर्शकको संख्यामा वृद्धि भएको हो ।
शनिवार सम्म करिब २९ हजार जनाले मेला अवलोकन गरेको तथा २ करोड ५०लाख रुपैयाँ वरावरको कारोवार भएको आयोजकले दाबी गरेको छ । शनिबार मेलामा ज्योति मगर,शंकर विरही गुरुङ, जितु नेपाल कालिप्रसाद बास्कोटा लगाएतका कलाकारले आफ्नो प्रस्तुति मार्फत दर्शकलाई मनोरञ्जन दिलाएका दिए ।
आइतबार अन्तर्राष्ट्रियस्तरका रेस्लरहरुको विशेष प्रस्तुति संगसंगै पोखरामा रहेका विदेशी पर्यटकहरुलाई मेलास्थलको अवलोकन भ्रमण गराउने कार्यक्रम रहेको आयोजकले जानकारी दिएको छ ।
