पोखरा –
पोखराको न्यूरोडमा सोमबार बिहान माइक्रोबसले ठक्कर दिदा एक पैदल यात्रीको ज्यान गएको छ ।
न्यूरोड नगरपालिका कार्यालय नजिकै काट्ने क्रममा माइक्रोबसले ठक्कर दिदा ६० बर्षीय बृद्धा रुविना गुरुङको ज्यान गएको हो । कास्कीको ल्वांङघलेल घर भइ न्युरोडमा बसोबास गर्दै आएकी गुरुङलाइ सोमवार विहान करिब ९:५० मा बसले ठक्कर दिएपछि गम्भीर घाइते भएकी थिईन । गुरुङलाइ चिप्लेढुंगावाट सभागृहचोक तर्फ जाँदै गरेको ग १ ख ३७५२ नंबरको माईक्रो बसले ठक्कर दिएको हो । ठक्करबाट गम्भिर घाइते भएकी उनको गण्डकी मेडिकल कलेजमा उपचारको क्रममा सोमबार बिहान १०:२५मा मृत्यु भएको हो । मृतक गुरुङको शव पोष्टमार्टमका लागि पश्चिमाञ्चल क्षेत्रीय अस्पताल राखिएको छ ।
ठक्कर दिने माइक्रो बस र बसका चालक ३५ बर्षिय हस्तबहादुर थकालीलाई प्रहरीले नियन्त्रणमा लिएको छ । घटनाबारे थप अनुसन्धान भइरहेको प्रहरीले जनाएको छ ।
