पुर्व राज्यमन्त्री तथा अञ्चलाधीस गुरुङको गाइघाटमा अन्त्येष्टी

पोखरा, १२ पौष –

पुर्व राज्यमन्त्री तथा अञ्चलाधीस लक्ष्यबहादुर गुरुङको आइतबार पोखरास्थित शुखावती गुम्वा (गाइघाट) मा अन्त्येष्टी गरिएको छ ।

आइतबार दिउँसो गुरुङ्ग संस्कृत अनुसार उनको अन्त्येष्टी गरिएको हो । राप्रपा नेपालका केन्द्रीय सल्लाहकार समेत रहेका गुरुङलाई राप्रपा नेपाल कास्कीका अध्यक्ष जयलाल पुनले पार्टीको झण्डा ओडाएको अञ्चल सचिव तथा राष्ट्रिय पत्रकार समाजका अध्यक्ष सूर्य बाँस्तोलाले जानकारी दिए । अन्त्येष्टी कार्यक्रममा अञ्चल संयोजक तथा केन्द्रीय सदस्य रमेशबहादुर भट्टराई, धौलागिरी संयोजक तथा केन्द्रीय सदस्य कुलबहादुर गुरुङ ‘कुलु’, देविजङ्ग गुरुङ, विष्णुदेवी गुरुङ लगायत पार्टीका उपाध्यक्षहरु, जिल्लाका पदाधिकारीहरु, कार्यसमिति सदस्यहरु, क्षेत्रीय अध्यक्षहरु, जिल्लास्थित नेता कार्यकताको उपस्थिती रहेको थियो ।

कास्कीको अर्मलाकोटमा जन्मिएका गुरुङको ललितपुर धापाखेलस्थित सुमेरु हस्पिटलमा उपचारकै क्रममा ८२ बर्षको उमेरमा शुक्रवार बेलुका निधन भएको हो । सुगरको समस्याबाट ग्रसित गुरुङ गत एक वर्षदेखि मिर्गाैला पीडित भई डायलोसिस गराइरहेका थिए । निमोनियाका कारण उनको निधन भएको भतिज तेजबहादुर गुरुङले जानकारी दिए ।

पञ्चायतकालमा सेति, धौलागिरी, सगरमाथा, नारायणी अञ्चलमा गरी १५ वर्ष अञ्चलाधीस र राज्यमन्त्री समेत बनेका गुरुङको इच्छानुसार आफ्नै जन्मस्थान पोखरामा अन्तेष्टि गरिएको हो ।

समाजसेवी गुरुङको ४ छोराहरु मध्ये जेठा घनश्याम गुरुङ अधिकृततहबाट अवकास लिएका हुन भने, माइला नरेश गुरुङ नेपाल प्रहरीको एआइजीबाट निवृत्त, साईला गंगाबहादुर नेपाली सेनाको सहायक रथीमा बहाल र कान्छा छोरो कृष्णबहादुर गुरुङ धौलागिरी अञ्चलमा बाहिनी पतिका रुपमा सेवारत छन । स्वर्गीय गुरुङलाई सम्मानस्वरुप शोक सलामी अर्पण गरिएको थियो । अमेरिकामा रहेकी छोरी माया गुरुङपनि अन्त्येष्टिका लागि आइतवार आइपुगेकी थिइन् ।

यसैबीच, राप्रपा नेपालका केन्द्रीय अध्यक्ष तथा उपप्रधान, परराष्ट्र, स्थानीय विकास मन्त्री कमल थापाले केन्द्रीय सल्लाहकार गुरुङको असमायिक निधनप्रति दुख व्यक्त गर्दै पार्टीलाई अतुलनिय क्षति पुगेको बताएका छन् । साथै देशको राष्ट्रवादी अभियानमा गम्भिर चोट पुगेको प्रति उनले चिन्ता व्यक्त गरेका छन् । त्यसैगरि राप्रपा नेपाल कास्की, अञ्चल समन्वय समिति गण्डकी र राष्ट्रिय पत्रकार समाजले पनि संयुक्त रुपमा शोक विज्ञप्ती प्रकाशित गरेको छ । विज्ञप्तीमा गुरुङको निधनले पार्टी र राष्ट्रलाई गम्भिर क्षति पुगेको जनाउँदै शोकसन्तप्त परिवारजनप्रति समवेदना प्रकट गरेको छ ।

सम्बन्धित न्यूज

Leave a Reply

Your email address will not be published. Required fields are marked *

Back to top button