पोखरामा भोलि ९६ हजार लिटर पेट्रोल बाडिने – कुनमा कति विवरण सहित

पोखरा, २४ पौष –

कास्कीमा भोलि मिति २०७२।९।२५ गते शनिबार जोर विजोर नम्वरका आधारमा विभिन्न पेट्रोल पम्पबाट मोटरसाईकल-स्कुटरलाई मात्र पेट्रोल वितरण हुने भएको छ । शुक्रबार  विहान  ८ बजे देखि  कास्कीका २३ वटा पेट्रोल पम्पबाट मोटरसाईकल-स्कुटरलाई ९६ हजार लिटर पेट्रोल वितरण गरिने  जिल्ला प्रशासन कार्यालय कास्कीले जनाएको छ । मोटरसाईकल ५ सय र स्कुटरलाई ४ सय रुपैया बराबरको पेट्रोल वितरण हुने र  सवारी धनीले पेट्रोल लिनको लागि  व्लूबुक र परिचय पत्र अनिवार्यरुपमा लिई आउनु पर्ने समेत प्रशासनले जनाएको छ   ।

                        शनिबारको लागि मोटरसाईकल-स्कुटरलाई  वितरण हुने पम्प र स्थानहरुको लिस्ट विवरण यसप्रकार छ

निर्णय नं.२ः मिति २०७२।९।२५ गते वितरण हुने ९६ के.एल. पेट्रोल मिति २०७२।९।२४ गते साझ सम्ममा नेपाल आयल निगम, इन्धन डिपो, गगनगौडाले सम्बन्धीत पम्पहरुमा उपलब्ध गराउने ।
निर्णय नं.३ः उपरोक्त पेट्रोल पम्पहरुबाट तोकिएका जोर विजोर नम्बरका मोटर साईकल रु.५०० बराबर र स्कुटरलाई रु.४०० बराबरको पेट्रोल उपलब्ध गराउने ।
निर्णय नं.४ः वितरण मिति २०७२।९।२५गते विहान ८ बजे देखि शुरु हुने ।

निर्णय नं. ५ः सवारी धनीले व्लूबुक अनिवार्यरुपमा लिई आउनु पर्ने ।

निर्णय नं. ६ः भाँडा वा ग्यालेनमा ईन्धन नदिने ।

निर्णय नं.७ः कास्की जिल्लाको पेट्रोलियम पदार्थको वितरण सम्वन्धी कार्यको अनुगमन तथा निरीक्षण गर्ने प्रयोजनको लागि देहाय बमोजिमको समिति गठन गरी वितरण प्रकृयालाई थप प्रभावकारी बनाउने निर्णय गरियो ।

(क) लेखनाथ पारीको क्षेत्रमा ः
१. राजन नेपाल, नेपाल आयल निगम – संयोजक
२. प्रतिनिधि, जिल्ला प्रशासन कार्यालय, कास्की – सदस्य
३. प्रतिनिधि, घरेलु तथा साना उद्योग कार्यालय, पोखरा – सदस्य
४. प्रतिनिधि, उपभोक्ता मञ्च – सदस्य
५. प्रतिनिधि, लेखनाथ उद्योग बाणिज्य संघ – सदस्य

(ख) पोखरा क्षेत्रमा ः
१. प्रशुराम अधिकारी, नेपाल आयल निगम – संयोजक
२. प्रतिनिधि, जिल्ला प्रशासन कार्यालय, कास्की – सदस्य
३. प्रतिनिधि, घरेलु तथा साना उद्योग कार्यालय, पोखरा – सदस्य
४. प्रतिनिधि, उपभोक्ता मञ्च – सदस्य
५. प्रतिनिधि, पोखरा उद्योग बाणिज्य संघ – सदस्य

उपरोक्त बमोजिमको अनुगमन तथा निरीक्षण समितिले पम्पहरुको शुरु तथा अन्तिम मास्टर मिटर रिड गरी पारित नीति बमोजिम वितरण भए, नभएको अनुगमन गरी वितरणको प्रभावकारिता सुनिश्चित गर्नेछ ।