पोखरा रंगशालामा चैत्र ०५ देखि पोर्क फेस्टिभल सुरु हुने

पोखरा, ०४ चैत्र –

पोखरा रंगशालामा शुक्रबारदेखि पोखरामानै पहिलोपटक पोर्क महोत्सव हुदैछ । बंगुर ब्यवशायी संघ कास्कीको आयोजनामा पोखरामानै पहिलो पटक र राष्ट्रिय स्तरमा दोश्रो पटक सञ्चालन हुने महोत्सव तीन दिन सम्म चल्नेछ । पोर्क स्वस्थ सेतो मासु भन्ने मुल नाराका साथ बंगुर ब्यवशायी किसान संगै बंगुरको मासुबाट बन्ने परिकारको प्रवद्र्धन गर्ने उद्देश्यका साथ सञ्चालन हुने महोत्सवको शुक्रबार दिउसो सम्माननीय उपराष्ट्रपति नन्द बहादुर पुुनले उद्घाटन गर्ने भएका छन । महोत्सवको उद्घाटन अगाडी पोखरा सभागृहबाट विभिन्न जातजातिका संस्कृति झल्कने झाकी सहितको रयाली पोखरा रंगशालामा आउने आयोजकले जनाएको छ।

महोत्सवमा बंगुरको मासुबाट बन्ने परिकारको प्रवद्र्धनका लागी दर्शकले आफ्नो टिकटको रकम बरावरको पोर्कका परिकारको स्वाद लिन पाउने महोत्सव संयोजक तथा बंगुर ब्यवशायी संघ कास्कीका अध्यक्ष छ्याम बहादुर थापाले वताए । महोत्सवमा बंगुर ब्यवशायलाई प्रवद्र्धन गर्ने खालका ४६ वटा स्टल रहने छन । स्टलमा विशेष गरी बंगुरको मासुबाट बन्ने परिकारहरुलाई प्राथमिकता दिने उद्देश्यका साथ १० वटा रेष्टुरेन्टहरु रहने महोत्सव संयोजक तथा बंगुर ब्यवशायी संघ कास्कीका अध्यक्ष छ्याम बहादुर थापाले वताए । बंगुर ब्यवशाय र बंगुरको मासुलाई आम जनमानसमा हेर्ने दृष्टीकोण अझैपनि नकारात्मक रहेको र नेपालका रेष्टुरेन्टहरुमा बंगुरको मासुका परिकारलाई समेटन नसकिरहेको अवस्थामा महोत्सवले महत्वपूर्ण भुमिका खेल्ने थापाको दावी रहेको छ ।

पोर्क महोत्सवमा पशु चिकित्सक ( मासु निरीक्षणको प्रमाणपत्र प्राप्त ) डाक्टरद्धारा प्रमाणित गरिएको बंगुरको मासुको बिक्री बितरणका साथै बगुरका परिकारमा समेत प्रमाणित गरिएको मासुको प्रयोग गरिने भएको छ । बंगुरका मासुका पारखीहरुलाई पशु चिकित्सक ( मासु निरीक्षणको प्रमाणपत्र प्राप्त ) डाक्टरद्धारा प्रमाणित गरिएको स्वस्थ मासुको प्रयोग गर्नुपर्छ भन्ने सन्देश प्रवाह गर्नका लागी महोत्सवमा पशु चिकित्सकद्धारा प्रमाणित गरिएको बंगुरको मासुबाट बन्ने परिकारलाई मात्र स्थान दिइने आयोजकले जनाएको छ । महोत्सवमा बंगुरको मासुबाट बन्ने विभिन्न परिकारहरु बंगुरको मःमः, चाउमिन, सेकुवा, ससेज, अचार विभिन्न विदेशी परिकारहरु चाइनिज र कोरियन परिकारहरुको स्वाद महोत्सवमा आउने दर्शकहरुले लिन पाउनेछन ।

महोत्सवमा बंगुर उत्पादनका लागि ब्रिडर फार्म, उपकरण, दाना, औषधि, वित्तिय संस्थाको बारे जानकारी तथा प्राविधिक परामर्श, बंगुरको बधशाला तथा प्रशोधनका वारेमा जानकारीमुलक स्टलहरु, पोर्कका विभिन्न परिकारका स्टलहरु, सेफद्वारा परिकारहरुको तयारीको प्रदर्शन, बंगुर उत्पादन देखि बजारीकरणमा प्रयोग हुने विभिन्न औजारहरुको प्रदर्शनी तथा बिक्री, बंगुरको मासुको प्रशोधन तथा परिकार बनाउने सम्बन्धी तालिम, बंगुरपालक किसानहरु बीच अन्तरक्रिया, मासु उत्पादनमा प्रयोग हुने औजारहरुको प्रदर्शनी तथा बिक्री, बंगुरको दाना सम्बन्धी जानकारी, बंगुरपालनमा देखिएका संभावना तथा चुनौतीहरुको बारेमा परामर्श तथा छलफल, विभिन्न जातजातिका झाकी तथा ¥याली प्रतियोगिता विभिन्न जातजातिका नृत्य तथा झाकीहरु, ख्यातिप्राप्त राष्ट्रिय तथा स्थानिय स्तरका कलाकारहरुद्धारा लोक तथा दोहोरी गीत, नृत्य, संगित, कन्सर्ट तथा विभिन्न प्रतियोगिताहरु हुनेछन ।

त्यस बाहेक महोत्सवले बंगुरपालन क्षेत्र तथा बंगुरजन्य व्यवसायको प्रबद्र्धन र विकास गर्ने, लिन पोर्कको बजारीकरणलाई प्रोत्साहन गर्ने, उपभोक्तालाई स्वच्छ तथा स्वस्थ्य वंगुरको मासु उपलब्ध गराउनको लागि बंगुर काट्न अघि र काटि सकेपछि पशु चिकित्सकद्धारा निरिक्षण गर्ने परिपाटिको बिकास गर्ने, बंगुर उत्पादनका लागि आहाराको विकास, गोठ सुधार तथा यान्त्रीकरणका लागि प्रोत्साहन गर्न, पोर्कका विभिन्न परिकारहरु रेष्टुरेन्ट तथा होटेलहरुमा समावेस गर्न प्रोत्साहन गर्नका लागी महोत्सवले उल्लेख्य भुमिका खेल्ने अपेक्षा गरिएको छ ।

पोखरा लाइभस्टक प्रा. लि. बंगुर फार्मको मूख्य प्रायोजन, बंगुर ब्रिडर कृषक सहकारी संस्था लिमिटेडको प्रायोजन तथा क्षेत्रिय बंगुर ब्रिडर समूहको सहप्रायोजनमा हुने महोत्सवमा नेपाल सरकार, पशुपंक्षी बिकास मन्त्रालय पशु सेवा विभाग, पशु उत्पादन निर्देशनालय, केन्द्रिय बंगुर तथा कुखुरा प्रवद्र्धन कार्यालय, पशुपंक्षी बजार प्रबद्र्धन निर्देशनालय, क्षेत्रिय पशु सेवा निर्देशनालय, ब्यवशायिक कृषि तथा ब्यापार आयोजना, जिल्ला पशु सेवा कार्यालय कास्की, युके एड, सिप्रेड÷सामर्थको सह आयोजना रहने छ भने पोखरा उपमहानगर पालिका , जिल्ला बिकास समिती कास्की, लेखनाथ नगरपालिका, क्षेत्रिय खेलकुद बिकास समिती पोखरा , जिल्ला खेलकुद बिकास समिती कास्की,े सहयोेग रहेको छ । महोत्सवमा बंगुर ब्यवशायी संघ नेपालको विशेष सहयोग रहेकोे छ ।

सम्बन्धित न्यूज

Leave a Reply

Your email address will not be published. Required fields are marked *

Back to top button