काठमाडौँ, २१ साउन –
प्रधानमन्त्री पुष्पकमल दाहालको प्रमुख सचिवमा जोखबहादुर महरा नियुक्त हुनुभएको छ ।
नेकपा (माओवादी केन्द्र)का पोलिटब्युरो सदस्यसमेत रहनुभएका महरा दाहाल प्रधानमन्त्री हुनुअघि पनि दाहालको स्वकीय सचिवका रुपमा कार्यरत हुनुहुन्थ्यो ।
यसैगरी स्वकीय सचिवमा प्रधानमन्त्रीपुत्र प्रकाश दाहाल र अखिल (क्रान्तिकारी)का पूर्व अध्यक्ष रमेश मल्ल नियुक्त हुनुभएको सचिवालयका सदस्य पूर्ण कार्कीले जानकारी दिनुभयो ।
प्रधानमन्त्रीको सचिवालयमा कार्कीसहित फोटो पत्रकार दिनेश श्रेष्ठ र मनोहर शर्मासमेत नियुक्त हुनुभएको छ । रासस
