पोउवा संघले व्यापार मेलामा सिङ्गिङ स्टार गायन प्रतियोगिता आयोजना गर्ने

पोखरा-

मंसिरमा आयोजना हुने राष्ट्रिय औद्योगिक व्यापार मेलामा  पोखरा उद्योग वाणिज्य संघले  ‘पिसिसिआई सिङ्गिङ स्टार’ नामक गायन प्रतियोगिता आयोजना गर्ने भएको छ ।  पोखराको नयाँ बजारमा आउदो मंसिर २३ देखि पुस ४ गतेसम्म राष्ट्रिय औद्योगिक व्यापार मेलाको आयोजना हुदैछ । मेलाभित्र आयोजना हुने उक्त  विशुद्ध गायन प्रतियोगिता देशका जुनसुकै ठाउँका प्रतिभावान गायक कलाकारले भाग लिन सक्ने प्रतियोगिताको विजेताले १ लाख नगद र दोस्रो हुनेले ५० हजार रुपैयाँ नगद पुरस्कार र विभिन्न उपहारहरु प्राप्त गर्नेछन् । प्रतियोगितामा वरिष्ठ कलाकार श्यामसुङ तामाङसहितका कलाकारहरुले प्रतियोगीको मूल्याङ्कन गर्नेछन् ।

राष्ट्रिय औद्योगिक व्यापार मेलाको अवसरमा आयोजना हुने साँस्कृतिक कार्यक्रम अन्तर्गत नै ‘पिसिसिआई सिङ्गिङ स्टार’ समेत समावेश गरिएको साँस्कृतिक उपसमिति संयोजक तथा संघका कोषाध्यक्ष पवनकुमार प्रजापतिले जानकारी दिनुभयो । नयाँ कलाकारलाई अवसर प्रदान गर्न तथा मेलामा नयाँपन दिने उदेश्यले यो पटकको मेलामा ‘पिसिसिआई सिङ्गिङ स्टार’ समावेश गरिएको उहाँको भनाई रहेको छ । प्रतियोगितामा भाग लिन चाहनेहरुको लागि संघको सचिवालयबाट फाराम बितरण भइरहेको र मंसिर २० गतेसम्म संघको सचिवालय गैह्रापाटनबाट फाराम लिन सकिने उहाँले बताउनुभयो ।

पोखरा उद्योग वाणिज्य संघको नियमित कार्यक्रम राष्ट्रिय औद्योगिक व्यापार मेलालाई थप मनोरञ्जनात्मक बनाउन मेलामा पहिलो पटक रेस्लिङ पनि समावेश गरिएको उहाँले बताउनुभयो । यसैगरी यो पटकको मेलामा राष्ट्रिय स्तरको फेसन सो, ख्यातिप्राप्त कलाकारहरुको सांगीतिक प्रस्तुती, शारिरीक सुगडन को अलावा अन्य मनोरञ्जनात्मक कार्यक्रम पनि समावेश गरिने कोषाध्यक्ष प्रजापतिले जानकारी दिनुभयो ।

सम्बन्धित न्यूज

Leave a Reply

Your email address will not be published. Required fields are marked *

Back to top button