पोखरा न्युज- १०, चैत ।
पोखरा लेखनाथ महानगरपालिका १७ छोरेपाटनबाट प्रहरीले लागुऔषध सहित २ जनालाई पक्राउ पक्राउ गरेको छ ।
लागुऔषध बेचबिखनमा संलग्न रहेका उनीहरुलाई लागऔषध नियन्त्रण ब्युरो पोखराले शनिबार छोरेपाटनबाट पक्राउ गरेको प्रहरीले जनाएको हो । प्रहरीका अनुसार पक्राउ पर्नेमा बागलुङको बागलुङ नगरपालीका ७ हल्लनचोकका अमन नेपाली र बागलुङ नगरपालीका १३ पैयुँडाडाका किशोर खत्री रहेका छन ।
उनिहरुको साथबाट नुर्फिम ७० थान, डाइजापाम ७० थान, फेनरागन ७० थान गरी २ सय १० थान लागुऔषध र २ थान मोबाइल बरामद भएको प्रहरी उपरीक्षक बिरेन्द्र कुमार बस्यालले जानकारी दिए ।
गोप्य सुचनाको आधारमा चेकजाँच गर्नेक्रममा लागुऔषध सहित उनीहरुलाई पक्राउ गरिएको र थप अनुसन्धानका लागी जिल्ला प्रहरी कार्यालय कास्कीमा पठाईएको लागऔषध नियन्त्रण ब्युरो प्रमुख प्रहरी निरीक्षक रविन्द्रमान गुरुङले वताए ।