पोखरा न्यूज- ८ असार ।
बागलुङको काठेखोला गाउँपालिका- ५ कालिमाटीमा ट्याक्टर दुर्घटना भएको छ । दुर्घटनामा परि ट्याक्टरमा सवार ४ जना घाइते भएका छन् ।
जुकेपानीबाट कर्लिम तर्फ जादै गरेको ध १ त ३५९ नम्वरको ट्याक्टर दुर्घटनामा परेको हो । शुक्रबार बिहान अचानक स्टेरिङ जाम भई ट्याक्टर सडक देखी करिब २० मिटर तल मकैबारीमा खस्दा चालक सहित ४ जना घाईते भएको प्रहरीले जनाएको छ । घाइते चारै जनालाई उपचारको लागी अञ्चल अस्पताल धौलागिरी पठाईएको प्रहरी उपरीक्षक बिरेन्द्र कुमार बस्यालले जानकारी दिए ।
घटनाको बारेमा थप अनुसन्धान भइरहेको प्रहरीले बताएको छ ।
