पोखरा न्यूज – ०४, असोज । तनहुँमा बसको ठक्करबाट एक मोटरसाइकल चालकको मृत्यु भएको छ ।
बाग्लुङबाट सुनौली जाँदै गरेको बसले शनिबार बिहान आबुँखैरेनीमा मोटरसाइकललाई ठक्कर दिँदा मोटरसाइकल चालकको मृत्यु भएको प्रहरीले जनाएको छ ।
प्रहरीका अनुसार सुनौली जाँदै गरेको लु१ख ८००२ नम्बरको बसले बा ९९ प १४७३ नम्बरको मोटरसाइकललाई पृथ्वी राजमार्ग अन्तर्गतको आबुँखैरेनीमा ठक्कर दिँदा गोरखा घर भई आबुँखैरेनी बस्दै आएका २८ वर्षका यमबहादुर थापाको मृत्यु भएको हो ।
प्रहरीले बस र ड्राइभरलाई नियन्त्रणमा लिइ थप अनुसन्धान भैरहेको जनाएको छ ।