पोखरा न्यूज – १९, कार्तिक । तीन दिनदेखि बेपत्ता महिला आज मृत फेला परेकी छिन् । तनहुँको व्यास नगरपालिका–५ अलैँचेकी ४५ वर्षीया गीता सुनार मृत भेटिएकी हुन् ।
शनिबारदेखि हराइरहेकी सुनार घर नजिकैको खोल्सामा मृत भेटिएकी व्यास नगरपालिका–५ का वडाध्यक्ष मोहनकुमार श्रेष्ठले जानकारी दिए । उनको शव झुण्डिएको अवस्थामा फेला परेको हो ।
सुनारको शव परीक्षणका लागि दमौली अस्पताल ल्याइएको छ । घटनाबारे जिल्ला प्रहरी कार्यालयले अनुसन्धान थालेको छ ।
