पोखरा न्यूज – २५, मंसिर । पोखरा महानगरपालिका -२९ धर्मकाटा भित्र एक युवक मृत फेला परेका छन् । मृत्यु हुनेमा पोखरा महानगरपालिका- १३ काहुँका निरज परियार रहेको प्रहरीले जनाएको छ ।
३० वर्षीय परियारलाई मध्यान्ह १२:३० बजे कच्ची बाटोको बायाँ तिरको कुलोमा मृत अवस्थामा स्थानीयले फेला पारेको गण्डकी प्रहरी प्रदेश कार्यालय पोखराले जानकारी दिएको छ । मृतक यही सोमबार घरबाट बिहेमा जान्छु भनि हिडेको बताइएको छ ।
घटनाको विषयमा अनुसन्धान भैरहेको प्रहरीले जनाएको छ ।
