पोखरा । पोखरा नागढुंगा स्थित एक फर्निचर उद्योगमा शनिबार भीषण आगलागी भएको छ । आगलागीबाट फर्निचरका सामग्रीहरु जलेर नष्ट भएका छन् ।
नागढुंगामा डेढ वर्षअघि दुर्गा प्रसाद भट्टराई र बिकास क्षेत्रीले संचालनमा ल्याएको विशेष फर्निचर उद्योगमा विहान ११:४५ बजे आगलागी भएको हो ।
नेपाल प्रहरी, शसस्त्र प्रहरी लगायत स्थानीयको सहयोगमा दमकल र पानी ट्यांकरको सहायताबाट झन्डै सवा घण्टापछि आगो नियन्त्रणमा लिइएको छ ।
आगलागीका कारण ७० देखि ८० लाखको फर्निचरका सामग्री र ३० लाख माथिको संरचना नष्ट भएको संचालक मध्येका एक दुर्गा प्रसाद भट्टराईले पोखरा न्यूजलाई बताए ।
लकडाउनको समय भएकाले फर्निचरमा कामदार कोहि नभएकोले बिद्दुत सर्टका कारण आगलागी भएको हुन् सक्ने भट्टराईले जनाए । स्थानीयले पड्किएको आवाज आएपछि आगलागी भएको बताएका छन् ।
आगलागीबाट फर्निचरका सबैजसो सामग्री जलेको वडा प्रहरी कार्यालय बैदामका प्रहरी प्रमुख डीएसपी यादव ढकालले जनाए ।
अद्यावधिक शनिबार १:०५
