पोखरा । कोरोना संक्रमण समुदायमै फैलिएको भन्दै विराटनगरमा शनिबारदेखि फेरि दुई साता लामो लकडाउन घोषणा गरिएको छ ।
विराटनगर महानगरमै मात्रै १ सय बढी संक्रमित पुगेसँगै त्यहाँ लकडाउन जारी गरिएको त्यहाँका मेयर भीम पराजुलीले जनाएका हुन् । आधा भन्दा बढी संक्रमितको ट्राभल हिस्ट्री नदेखिँदा संक्रमण समुदायमै फैलिएको आशंका गरिएको छ । यस अघि साउन ७ मा सरकारले लकडाउन हटाएसँगै देशका विभिन्न स्थानमा संक्रमण फैलिन थालेको छ । सरकारले कुनै स्थानीय निकायमा २ सय बढी सक्रिय संक्रमित भए ती स्थानमा लकडाउन गर्न सकिने बताएको थियो ।
अब अत्यावश्यक कामका लागि बाहेक त्यहाँ हिँडडुल गर्न पाइने छैन भने कोरोना परीक्षणको दायरा पनि बढाइने बताइएको छ ।
