पोखरा । गण्डकी प्रदेशमा २१ जनामा कोरोना भाइरस पुष्टि भएको छ । गण्डकी प्रदेशका ३ जिल्लाका २१ जनामा कोरोना पुष्टि भएको स्वास्थ्य निर्देशनालय गण्डकीले जनाएको छ ।
निर्देशनालयका अनुसार गण्डकीका २६ देखि ६२ वर्ष उमेर समुहका १५ जना पुरुष र ६ जना महिलामा शुक्रबार दिउसो कोरोना देखिएको हो ।
शुक्रबार दिउसो गण्डकी प्रदेशको मनाङमा २ जना पुरुष , बागलुङका १ जना महिला र नवलपुरका ५ महिला र १३ पुरुषमा कोरोना पुष्टि भएको निर्देशनालयले जनाएको छ ।
संक्रमितहरुलाई अहिले सम्बन्धित जिल्लाको आइसोलेसनमा लैजाने तयारी भइरहेको निर्देशनालयले जनाएको छ ।
यस सँगै गण्डकी प्रदेशमा कोरोना संक्रमितको संख्या १ हजार ८ सय ४४ पुगेको छ ।
