पोखरा न्यूज । “मन विनाको धन” गीतका रचनाकार बिराजको शब्द रहेको नयाँ गीत “जून बद्लेर” स्वरुपराज आचार्य र बाल गायिका समृद्धि तिमल्सिनाको सुमधुर स्वरमा सार्वजनिक भएको छ। संगीतकार चक्रपाणि तिमल्सिनाद्वारा संगीतबद्ध गरिएको गीत कुमार थापाले संगीत संयोजन गरेका छन् ।
अकष्टिक नेपाल, नक्सालमा रेकडिङ्ग भएको गीतका रेकर्डिस्ट राजा बाबु चौधरी हुन् भने ध्वनी सम्पादन तथा तथा मास्टरिङ वरिष्ठ साउण्ड इन्जिनियर प्रकाश मिश्रले गरेका छन् ।
कंगारु क्रियसन्स प्रालिको ब्यानरमा तयार भएको म्युजिक भिडियोको निर्देशन तथा सम्पादन रवि लामाले गरेका हुन्। क्यामरामा रक्की रहेका छन्। उक्त गीत संगीतकार चक्रपाणि तिमल्सिनाको आफ्नै युटुब च्यानलबाट सार्वजनिक भएको छ।