पोखरा न्यूज । पोखरामा बिहीबार दिउसो थप २२ जनामा कोरोना भाइरस संक्रमण पुष्टि भएको छ ।
गण्डकी प्रदेश स्वास्थ्य निर्देशनालयका अनुसार कास्कीको पोखरा महानगरका २२ जनासहित स्याङजाका १ जना र तनहुँका १ जना गरी थप २४ जनामा कोरोना भाइरस देखिएको हो ।
संक्रमण पुष्टि हुनेहरुमा पोखरा महानगरपालिका ५ का १ पूरुष, ७ का २ महिला, ८ का २ महिला, १० का १ पूरुष तथा १ महिला, ११ का ४ पुरुष तथा १ महिला, १२ का २ महिला, १७ का २ पूरुष तथा १ महिला, १९ का १ पुरुष, २६ का १ पुरुष र वडा नखुलेका २ पूरुष तथा १ महिला रहेका छन् ।
त्यस्तै स्याङजा बिरुवाकी १ महिला र तनहुँ व्यासका १ पुरुषमा संक्रमण देखिएको निर्देशनालयले जनाएको छ । यस सँगै गण्डकी प्रदेशमा कोरोना संक्रमितको संख्या १० हजार ६८८ पुगेको छ ।