पोखरामा कोरोना संक्रमणबाट थप १ पुरुषको मृत्यु

पोखरा न्यूज । कोरोना संक्रमणबाट पोखरामा थप एक जना पुरुषको मृत्यु भएको छ ।

तनहुँ जिल्ला म्याग्दे गाउँपालिका–२ का ६० वर्षीय पुरुषको आइतबार बिहान ९.३० बजे मृत्यु भएको हो । गण्डकी प्रदेश स्वास्थ्य निर्देशनालय पोखराका निर्देशक बिनोदबिन्दु शर्माका अनुसार यही मंसिर २४ गते कोरोना संक्रमण पुष्टि भई पोखरा स्वास्थ्य विज्ञान प्रतिष्ठान पश्चिमाञ्चल क्षेत्रीय अस्पतालको कोभिड-१९ उपचार केन्द्रमा उपचारकै क्रममा मृत्यु भएको हो ।

उहाँमा मृर्गौला र निमोनियाको समस्या रहेको बताइएको छ । यस सँगै गण्डकी प्रदेशमा कोरोना संक्रमणबाट मृत्यु हुनेको संख्या १ सय ८४ पुगेको छ ।