पोखरा न्यूज । पोखरामा लागूऔषधसहित दुई युवा पक्राउ परेका छन् ।
पैचालिस एम्पुल लागूऔषधसहित पोखरा -३० ढुंगेपाटनका ३२ वर्षीय कृष्ण बहादुर गुरुङ र पोखरा -१७ बिरौटाका ३६ वर्षीय धन बहादुर गुरुङ पक्राउ परेको कास्की प्रहरीले जनाएको छ ।
डाइजापान १५ एम्पुल, फेनेरागन १५ एम्पुल र नुर्फिन १५ एम्पुल गरी ४५ एम्पुल लागूऔषधसहित उनीहरु सोमबार ५ बजे ढुङगेपाटनबाट पक्राउ परेको कास्की प्रहरी प्रवक्ता, डिएसपी सुवास कुमार हमालले जानकारी दिनुभयो ।
उनीहरुलाई लागूऔषध मुद्दामा ५ दिन म्याद थप गरी अनुसन्धान भइरहेको प्रहरीले जनाएको छ ।
