पोखरा न्यूज । आज तनहुँको मादी नदीमा पौडी खेल्ने क्रममा एक युवा हराएर बेपत्ता भएका छन् ।
स्याङ्जा भइ घर हाल तनहुँ जिल्ला ब्यास नगरपालिका ५ मोचाबारी डेरा गरी बस्ने १८ वर्षीय रमेश बि.क. नदीमा पौडी खेल्ने क्रममा हराएका हुन् ।
दिउसो साढे १२ बजेको समयमा नदीमा पौडी खेल्ने क्रममा बि.क. हराएको बताइएको छ ।
गण्डकी प्रदेश प्रहरी कार्यालय पोखराले दिएको जानकारी अनुसार उनी नदीमा ट्याक्टरमा ढुङ्गा लोड गर्न गएका हुन् ।
प्रहरी टोलीले उनको खोजी कार्य र घटनाको अनुसन्धान जारी राखेको प्रदेश प्रहरी कार्यालयका प्रहरी वरिष्ठ उपरीक्षक मोहनप्रसाद पोखरेलले जानकारी दिनुभएको छ ।
