पोखरा न्यूज । आज दिउसो तनहुँ जिल्लाको भानु नगरपालिका वडा नं ९ बाइजाँगरमा बसले ठक्कर दिँदा ५ वर्षीय बालक घाइते भएका छन् ।
प्रहरीका अनुसार दिउसाेँ साढे २ बजेतिर डुम्रे बेशिसहर सडकखण्डमा बेशिसहर जाँदै गरेको ना७ख४२७ नम्बरको बसले सोही ठाँउका आशिष तामाङलाई ठक्कर दिएको हो ।
घाइते बालकलाई उपचारको लागि पुरानो मेडिकल कलेज भरतपुर चितवन पठाइएको छ ।
उनको अवस्था सामान्य रहेको बताइएको छ ।
घटनाका बारेमा अनुसन्धान भइरहेको गण्डकी प्रदेश प्रहरी कार्यालयका प्रहरी वरिष्ठ उपरीक्षक मोहनप्रसाद पोखरेलले बताउनुभएको छ ।