पाेखरा न्यूज । डाक्टर बिना बिरामी राखेर उपचार गरेको पाइएपछि जिल्ला प्रशासन कार्यालय तनहुँले शुक्लागण्डकी नगरपालिकास्थित दुई औषधि पसल बन्द गराएको छ ।
मापदण्ड विपरित सेवा दिएपछि प्रशासन कार्यालयले दुई औषधि पसल बन्द गराएको हो ।
सहायक प्रमुख जिल्ला अधिकारी चित्राङ्गत बरालका अनुसार धर्मसेवा मेडिकल र फेमिली स्वास्थ्य क्लिनिक बन्द गराइएको छ ।
अनुगमनका क्रममा डाक्टर बिना बिरामी राखेर उपचार गरेको पाइएपछि ती मेडिकल बन्द गराइएको बरालले बताउनुभयो ।
