पोखरा न्यूज । अरब सागरमा बनेको निम्न चापीय क्षेत्रको आंशिक प्रभाव नेपालमा परेको छ ।
जसकारण आज दिउँसो गण्डकी प्रदेशसँगै सुदूरपश्चिम, कर्णाली, लुम्बिनी र बागमतीका एक/दुई स्थानमा हल्का बर्षाको सम्भावना छ ।
गण्डकी प्रदेश, बागमती र कर्णालीका उच्च पहाडी तथा हिमाली भूभागका थोरै स्थान र बाँकी प्रदेशका उच्च पहाडी तथा हिमाली भूभागका एक/दुई स्थानमा हल्का हिमपातको सम्भावना छ ।
राति पनि गण्डकी प्रदेशसँगै सुदूरपश्चिम, कर्णाली, लुम्बिनी र बागमतीमा बदली रही एक/दुई स्थानमा हल्का वर्षाको सम्भावना रहेको मौसम पूर्वानुमान महाशाखाले आँकलन गरेको छ ।
देशका उच्च पहाडी तथा हिमाली भूभागका थोरै स्थानमा हल्कादेखि मध्यम हिमपातको सम्भावना छ ।
शनिबार सुदूरपश्चिम, कर्णाली, लुम्बिनी र गण्डकीका एक/दुई स्थानमा हल्का वर्षाको सम्भावना छ ।
