लन्डन । बेलायतका विपक्षी पार्टीले प्रधानमन्त्री बोरिस जोनसनको आलोचना गर्दै उहाँलाई ‘लाज नभएको मान्छे’ भनेका छन्।
कोभिड लकडाउनका समयमा प्रधानमन्त्री निवास डाउनिङ स्ट्रिटमा आयोजित मदिरा पार्टीलाई लिएर प्रधानमन्त्रीको चर्को आलोचना हुँदै आएको छ ।
पार्टीको फुटेज चुहावट भई सामाजिक सञ्जालमा भाइरल भएपछि बेलायती सञ्चार माध्यमहरूले सो काण्डलाई ‘पार्टीगेट’ भनेका थिए ।
प्रधानमन्त्रीले कोभिड १९– निर्देशिका उल्लंघन गरेको महानगरीय प्रहरीले जनाएको छ ।
उहाँ कानून तोडेको आरोपमा दण्डित हुने पहिलो बेलायती नेता पनि हुनुहुन्छ ।
सोही काण्डलाई लिएर प्रधानमन्त्रीले क्षमायाचना गर्नुभएकाे छ ।
विपक्षी लेबर पार्टीका नेता कियर स्टाररले प्रधानमन्त्रीको माफीलाई ठट्टा बताउँदै बेलायती जनताले उहाँको विश्वास नगर्ने बताउनु भएकाे छ ।
‘राजनीतिमा हुनुपर्छ । देशको बदनामी बन्द गर्नुपर्छ’, उहाँले भन्नुभयाे ।
प्रधानमन्त्रीलाई पदबाट राजीनामा दिन पनि उहाँले अनुरोध गर्नुभएकाे छ ।
