पोखरा । पोखरा महानगरको मेयर पदमा कांग्रेसबाट बागी उम्मेदवारी दर्ता गराएका दुईजनाले मनोनयन फिर्ता लिनुभएकाे छ ।
नन्दप्रसाद तिवारी र ऋषि सापकोटाले शुक्रबार आफ्नो उम्मेद्वारी फिर्ता लिनुभएकाे हाे ।
उहाँहरु गठबन्धनको विरोधमा पोखराको मेयरमा उम्मेद्वारी दिनुभएकाे थियाे ।
तर, पार्टीले दिएको निर्देशन पालना गर्दै लोकतन्त्रको रक्षाका लागि उम्मेद्वारी फिर्ता लिएको उहाँहरुले बताउनु भएकाे छ ।
तिवारी र सापकोटाले उम्मेदवारी फिर्ता लिए पनि बागी विमल कार्कीले भने फिर्ता लिनुभएकाे छैन ।
उहाँ पनि कांग्रेसकै नेता हुनुहुन्छ ।
अहिले गठबन्धनबाट वडाका उम्मेद्वारले समेत फिर्ता लिइरहेका छन् ।
