पोखरा । बेपत्ता तारा एयरको कल साइन ‘९ एन–एइटी’ को विमान दुर्घटना भएको स्थल फेला परेको छ ।
नेपाली सेनाका प्रवक्ता नारायणप्रसाद सिलवालले मुस्ताङको थासाङ २ मा विमान दुर्घटनाग्रस्त अवस्थामा फेला परेको जानकारी दिनुभयो ।
‘भीरमा दुर्घटनाग्रस्त भएको अवस्थामा फेला परेको छ’, उहाँले हाम्रा प्रतिनिधिसंग भन्नुभयो । जहाज ल्याङखु खोलाको शिरान नजिकैको पहाडमा ठोक्किएर टुक्रा–टुक्रा भएको अवस्थामा फेला परेको हो ।
पोखरादेखि जोमसोमका लागि उक्त विमान उडेको थियो ।
२२ जना यात्रु सवार विमान आइतबार बिहान १०:७ बजेदेखि सम्पर्कविहीन बनेको थियो ।