नेपाल स्टक एक्सचेञ्जको ट्रेड म्यानेजमेन्ट सिस्टम सञ्चालनका लागि सात नयाँ ब्रोकरले संकेत नम्बर पाएका छन् ।
पहिलो चरणमा आशय प्रत्र पाएका नयाँ ब्रोकर कम्पनीलाई नेप्सेले बिहीबार ब्रोकर संकेत नम्बर र सदस्यता प्रमाणपत्र प्रदान गरेको हो । नयाँ ब्रोकरमध्ये भोले गणेश सेक्युरिटिजले ब्रोकर संकेत नम्बर ६१, क्यापिटल म्याक्स सेक्युरिटिजले ६२, हिमालय ब्रोकरेजले ६३ र सन सेन्युरिटिजले ब्रोकर संक्व्त नम्बर ६४ पाएका छन् ।
यसैगरी शेयर प्रो सेक्युरिटिजले ६५, मियो सेक्युरिटिजले ६६ र प्रोपर्टी विजार्ड लिमिटेड ६७ ब्रोकर संकेत नम्बरबाट कारोबार गर्ने भएका छन् । यस अघि ब्रोकर लाइसेन्स लिएका ५९ मध्ये धेरै जसो ब्रोकरले सक्रिय सेवा दिइरहेका छन् ।
ब्रोकर ६० का रुपमा नागरिक स्टक डिलरले कारोबार गर्नेछ भने थप १० ब्रोकर नेप्सेबाट सदस्यता लिने अन्तिम तयारीमा छन् ।
